أنا لسة عايش

أولا أحب أشكر كل من سأل عليه وأنشغل بغيابي وأحب اطمنكم أني لسة عايش .

واحب أطمنكم أني لسة بخير وأن عقلي لسة في رأسي ومطرش مني من اللي بشوفه من الناس وتصرفاتها يعني أنا لما أكون صوتي عالي مش بضايق من حد صوته عالي زيي لكن تلاقي في ناس بتضايق من حاجات وهيا بتعمل نفس الحاجات بالضبط .


الفترة دي أنا بجهز التجهيزات الأخيرة لمنزل الزوجية ومش عارف أوقولكم عقبال عندكم ولا بعيد عنكم وأسوء ما في التجهيزات ليست الفلوس اللي بتنصرف عمال علي بطال ولكن الصنيعية وطلباتهم اللي ما بتخلص ومش عارف ليه ما بتنقلش كلها علي بعض وكأنهم أول مرة بيشتغلوا الشغل ده واللي يجنك أكثر منهم أنك تلاقي نقاش بيعيب علي السباك ومش عارف ايه هيا العلاقة ما بنيهم .

ورغم كل ده الحمد لله العملية ماشية علي خير وربنا يستر وتم علي خير ونخلص من الصداع دوت اللي بصراحة واخد كل تفكيري اليومين دووول .