خاطرة جت علي بالي

كل واحد فاكر نفسه مهم والحقيقة أن مفيش حد مهم ومفيش حد بتوقف عنده الحياة والحياة مستمرة برغم أنف أي حد واللي انت ممكن تكون فاكر أنه من غيره مش هتقدر تكمل بيكون أول واحد تقدر من غيره تكمل حياتك بل بالعكس في ناس أحنا بنفتكر أن أحنا من غيرهم ولا حاجة وأن ممكن نخسر حاجات كثير لو بعدوا عنا ويوم ما بيبعدوا بتكون الحياة أحسن وأحلي .

طب ايه المبرر للكلام دوت وليه بأقوله أصلا أصلي من شوية صغيرة افتكرت موقف كان حصل زمان كان في واحد من صحابنا ابوه مات وكان مرتبط بابوه جدا لدرجة انه كان بيعتمد علي ابوه في كل حاجة وانا واحد من صحابه قلت انه مش هيقدر يكمل حياته وأن ابوه دلعه زيادة عن لزوم ومع الوقت لاقيت أن صحابي دوت شال اسرته بالكامل وقدر يعدي بيهم بر الأمان وفي الحقيقة لو كان ابوهم عايش يمكن مكنوش هيكون اسعد من دلوقتي

مش معني كدة أن احنا ننسي فضل الناس علينا لو كان ليهم فضل أنا مقلتش كدة انا قصدي أن احنا نفكر شوية لو الشخص اللي انا بعتمد عليه في حاجات معينة مكنش موجود ايه راح يحصل .

دوت هو السؤال

وكمان محدش يفتكر روحه مهم اوي بالنسبة للغيره وأنه يمن عليهم باي حاجة بيعملها وأن اللي حواليه مش هيقدور يعملوا الحاجة ديت من غيره يعني وانه يكون متواضع ويعمل اللي عليه وما يمنش عليهم

يعني الاب ما يمنش علي ولاده و ولاوده ما ينسوش فضله وما يعتمدوش عليه اوي علشان يعرفوا يكملوا من غيروا وهو كمان عليه أن يديهم الفرصة أنهم يعتمدوا علي روحهم شوية

وده طبعا مثال ممكن نطبقوا علي حاجات كثيييييييييير أوي في حياتنا

وديت هي الخاطرة