شخابيط وخلاص

النهاردة ومن أول ما صحيت وانا مكعبل كعبلة ما يعلم بيها إلا ربنا و والتوفيق ( عم توفيق افندي ) معاكسني في كل حاجة مفيش حاجة صح ... لا حول ولا قوة إلا بالله أنا مش من النوعية اللي بتتشائم كدة لله في لله الحمد لله علي نعمة الإيمان كل شئ بقدر وعلي راي اسكندرانية الافلام اللي انتهو من زمان نحمدو ونشكر فضله

لكن ساعات كدة بتعدي علي واحد ايام من بدايتها لنهايتها بتكون اسوء لاسوء النهاردة كان كدة من اسوء الأيام بداتها من اول من نزلت واتكعبلت وكنت هقع وربنا سترها  والمواصلات اللي قافلة  قفلة الدومينو   تجبها  كدة تجيلك كدة  و هضومي اللي  اتبهدلت بسبب المواصلات والشتاء و اتاخرت علي الشغل رغم اني جريت شمال ويمين علشان الحق  الشغل بس تقول ايه وكمان اتلخب كاملخبطة كدة ملهومش لازمة وفي الأخر اقفلت مع حد بعزه...

يامة ايام عدت علي الواحد وحصل فيها زي كدة ويمكن اسوء وها ايام بتعدي وايام بتجر أيام  ويمكن كل الايام فيها زي كدة ...المشكلة ان في الايام دي بتكون بزيادة شوية

وفيها  الواحد  بيحس انه ضعيف اكثر ومش مستحمل شوكة وعايز يعديها سهلة ...من غير مشاكل من غير ما يتعب ولا يتالم ...من غير قلق علي بكرة ولا ندم علي امبارح ... هو مش عدم رضا ولا ايمان لكن افكار وخواطر بتيجي للواحد غصب عنه بيستعذ بالله منها وبتعدي وركعتين بترجعه لعقله لكن ده بيحصل والواحد مش هينكره ...

والمرة دي بتسائل  بعد ما تخلص الدنيا ديت ياتري هنتهني ولا هنتعب برضه يعني هنخسرها دنيا وآخرة ولا هنتعوض في الاخر بحياة احسن ... مش عايز اقلبها دروشة لكن سؤال خطر علي بالي لما هنموت هخش الجنة ولا هخش النار هل انا استاهل الجنة ولا مستهلهاش ولا هنقضيها عذاب في الدنيا وعذاب في الاخرة .... الصلاة مش اد كدة ولا يدوبك الواحد بيصوم رمضان والذنوب والمعاصي رغم انها مش كبائر لكنها ما بتخلص ...كفاية .... مش عارف بجد انا حساس اني ولا بلاش ربنا يسترها علينا ...