طيب هنتكلم عن ايه أو تحبوا ابدأ بايه

وبعدين في ايه

أنا بجد مش عارف هقول والمفروض اكتب عن ايه انا عايز ادون غصب عن نفسي مش عارف ليه شهوة التدوين اصبحت شئ صعب التخلص منه مش معني كدة أن بقول كلام ميتاقلش وبدون تدوينات ما حصلتش لا أنا بكلم عن اني عايز أدون وخلاص ايه بالضبط مش عارف هكلم عن ايه بالضبط مش عارف صحيح انا بتكلم بالعامية بصراحة انا مرتاح كدة انا حابب اتكلم معاكم بالعامية

ومادام انا مش لا قي حاجة أقولها ايه رايكم نخليها شوية فضفضة ايوة نخليها شوية فضفضة وانا بصراحة ناوي معدلش في التدوينة بعد ما اخلص اخر كلمة عندي يعني هتطلع بعبلها مش عارف باقة هتفهموا بعبلها ديت ولا ولكن مش مشكلة يبقي اسالوا عنها في التعليقات وانا علي استعداد للترجمة

طيب هنتكلم عن ايه أو تحبوا ابدأ بايه

بفكر نتكلم عن أحوال الدنيا بس بصراحة الكلام في الدنيا وأحوالها ومشاكلها ليل ونهار والحروب والاقتصاد والأسعارآه آه آه آه من الأسعار أصبح كل ده كلام مستهلك لو تكلمنا عن أمريكا واللي بتعملوا فينا هنلاقي روحنا بنزهق روحنا لأن العيب فينا وقاعدين نلووووووم فيهم الواحد فاكر ايام التتار اه انا محضرتش ايام التتار لكان قرأت في التاريخ ان الناس ما كنش ليه سيرة غير التتار والتتار بيعملوا وبيسوا وبيذبحوا وبيخلصوا علي الأخضر واليابس فراحت منهم البلد تلو الأخري لحد ما وصلوا لمصر وفي نهاية لما الناس زهقت وبدأت تتكلم عن روحها وعن أحوالها انتصروا في عين جالوت فيريد نتكلم عن أحولنا أحنا .

ولو حبينا نتكلم عن احوالنا هنلاقي واحد يطلع علينا زي ما قرأت في مدونة من المدونات ويقول أن ثروة الحكام وصلت كذا مليار دولار وواحد ثاني بيتكلم عن والحرية والديمقراطية واعتقال الناس علشان بيقولوا ارائهم وحاجات ديت اللي الواحد مش عارف جابوها منين وطلعت علينا منين أنا اقصد أحوالنا أحوالنا احنا أنا وأنت وهيا وهو أحوالنا مع روحنا مع ربنا سبحانه وتعالي وعلاقتنا بيه بنصلي بنصوم بنزكي اخلاقنا تصرفاتنا امانتنا ايمانا هي ديت الحاجات اللي بقصدها لأن زي ما سمعت ان كما تكونوا يولوا عليكم فلما نكون احنا ولاد حلال هيتولوا علينا ولاد حلال وساعاتها لا تقدر امريكا ولا اسرائيل ولا غيرهم يقفوا ادمنا..بلاش نتكلم في حاجات ديت لواحد علماني يقولك انتوا عايزنها دينية ومش عارف احنا ساكتين علي العلمانين دوووووول ليه دا حتي في واحد أعمي عامل مدونة زعلان من المشائخ علشان بتدعي عليهم في صلاة الجمعة طب يا اخي انكسف علي دمك دا انت اعمي شوف ربنا ابتلاك اتعظ علشان يؤجرك سبحان الله

طب نتكلم في الدين طب هنقول ايه هوانت شيخ و كمان ياعمي دا أكثر من الفضائيات اللي بتتكلم في الدين اليومين دووووووووول مفيش لحد ما الواحد أقرب يكره أمه وقعدتها ادام الشيخ / أبو اسحاق ولا محمد حسين يعقوب و غيرهم ( ربنا يحفظهم جميعاً ) حتي انها احتلت التلفزيون واصبح عليه حظر زي حظر الولايات المتحدة الأمريكية علي العراق أيام الحصار اللي عايز يتفرج يتفرج علي قناة الناس وأقرأ والمجد وغيرهم من القنوات ربنا يزيد ويبارك

طب هنتكلم عن ايه

نتكلم عن التدوين وأحواله طب انا مين علشان اتكلم عن التدوين وأحواله هو أنا سردال مثلا اللي حصل علي أعلي ترتيب بيج رانك بتاع جوجل علي مستوي المواقع العربية بكل ما فيها من مواقع زي طريق الإسلام وأقلاع سوفت وسوالف سوفت وغيرها من المواقع والمنتديات دأنا يدوبك مدون حديث مش عارف عايز يقول ايه بالضبط لحد هذا السطر وهل هو فعلا بيعبر عن نفسه ولا ايه بالضبط وبصراحة انا مش عارف يعني بيج رانك بالضبط وزاي بيتحسب لكن علي العموم مبروك يا سردال اشمعنا انا يعني كل الناس باركتلك

طب نتكلم عن اللغة العربية في عالم الآنترنت وحصولها علي المركز العاشر

ولا عدد مستخدمي الانترنت العرب في العالم اللي وصل 35 مليون عربي منهم 29 مليون واحد بيستخدموا اللغة العربية في تصفحهم للمواقع

ولا عن تحبوا نتكلم عن حياتي الشخصبة ونفتح علي البحري وننشر غسيلنا اقدامكم لا ياعم بلاش فضايح ولا ايه رأيكم نتكلم عن المدونة وموضوعاتها في الشهر الفائت_ حتة فصحة محدش يزعل الفائت_ انا بصراحة حاسس اني محققتش ايه حاجة من اللي كنت عايز اقوله في المدونة طيلة هذا الشهر الشهر الأول منها واهتميت بالجوانب الشكلية والتصميم والاضافات وغيرها وموضوعات لجذب الزوار وخلاص لكن بصراحة انا ناوي إن شاء الله ارجع عن هذا الدرب واهتم بنفسي وبالي عايز اقوله بس ملاقيش دعوة بحاجة ثانية حتي الموضوعات اللي كنت مش عايز اقرب منها راح اقرب منها ومش مشكلة دي مدونتي وانا حر واللي عجبه يشرفني واللي مش عجبه يقول بأدب يشرفني برده وغير كدة فأحسن يسلم من بعيد لبعيد

انا خايف اطول اكثر من كدة وبصراحة انا يمكن قلت في عجالة حاجات عايز اقولها وحاجات جت كدة في السكة

بس بصراحة كدة ايه رايكم في التدوين بشكل ده بالعامية العفوية ( علي راي هبة ) من هنا ورايح راح نكون عفووووووووووين ونتكلم بحرية اكثر العملية مش محتاجة كعبلة واصحاب مدرسة اللغة العربية الفصحة ما يزعلوش انا مش راح اسيب الفصل بتاعي لكن شوية كدة وشوية كدة دانا حتي طالب فاشل