ما بحبش الشياشة وما حدش يسألني ليه ؟؟؟

ما بحبش السياسة وما حدش يسالني ليه

ما بحبهاش وما بحبش اتكلم عنها

السياسة أحنا مش عارفنها ولا نعرف قوانينها

السياسة يا حبيبي ليها ناسها وأهلها

آآآآآآآآآه أحنا سلبيييييييييين وأحنا نقدر نعمل ايه يعني

هو كلامنا راح يغير حاجة

أدينا بنتكلم من ميت ألف سنة يمكن في حاجة تغيرت

بيقولك نختار نايبنا ونايبنا بتختاروا فلوسه ونفوذه

بيقولوا نختار رياسنا ومن أمتي اختارناه من يوم الفراعنة لنهاردة ما حدش اختار

ولما جه جدو عمر مكرم ((مش بتاع العزاء عارفينوا)) واختار اختار من بره البلد علشان ينفيه في دمياط .

عجبي عليكي يادنيا

لما الواحد يحب يتفرج علي التلفزيون يلاقي الكل عمال يتكلم هنغير والتغير جي والفكر الجديد يخلي الكل لابس بدل بكرفتات مش عارف بتكتب الزاي لكن اه كده وخلاص زي ما في الإعلان

عجبي عليكي يادنيا

الأخوان الأخوان مين دول تقريبا دول بتوع لانشون ولا ايه

مش عارف هما بيعملوا ايه فاكر ايام الجامعة كانوا عملين مظاهرات ومنشورات وبيقولوا الإسلام هو الحل ودلوقت فلاحيين شوية عمالين شوية دوشة يمكن يعملوا تغييييييييير الله أعلم وربنا يستر برده

لكن في النهاية ما فيش حاجة راح تتغير هيفضل الحال زي ماهو

في النهاية مش عارف ليه النهاية اللي فاتت ما عجبتنيش

انا مش مع دول ولا مع دول

انا موطن مصري سلبي بشرف بستني مرتبي كل آخر شهر ونفسي يكفي لآخر الشهر عايز اتجوز مش عارف إزاي

بصلي وبعرف ربنا وديني عندي أهم من كلام لا راح يودي ولا يجيب ويمكن بيجيب دوشة وبس

مش عارف رأي دوت هيدونين اللي فين و هيعجبكم ولا

علي العموم دي رأي انا لوحدي ولا رأي الناس اثنين